السلام عليكم ورحمة الله وبركاته
المقادير
علبة كيك بيتي كروكر(او اي نوع انتي تفضليه)
علبة حليب محلى علبتين كريم كرامل مع الكرامل ثلث كاس ماء علبتين قشطه
الطريقه
1-نحط الكرامل في الصينيه اللي بنسوي فيها الكيكه واذا ماكفو اثنين نزيدهم المهم انه نغطي قاع الصينيه بالكرامل
نحط الكريم كرامل والحليب المحلى والماء في قدر ونحطهم على النار ونحركهم لين يثخن الخليط
ننزلهم من على النار ونحط القشطه عليهم ونخلطهم لين يتجانس الخليط
نصب الخليط في الصينيه فوق الكرامل
نخلط الكيكه نفس مو مكتوب على الكرتون ونصبه فوق الخليط اللي في الصينيه
(اذا اختلطت الكيكه مع الكريم كرامل عادي لانهم بينفصلون اذا استوت الكيكه )
نحط الكيكه في حمام مائي وندخلها الفرنلمدة ساعه او45 دقيقه
المهم مانفتح الفرن قبل 45 دقيقه
اذا طلعناها من الفرن نخليها نص ساعه علشان تبرد
نقلب الكيكه وندخلها الثلاجه لين تبرد
وبالهنا والعافيه
اتمنى تجربونها وتقولون لي رايكم
ترى هي سهله وانا مجربتها كذا مره واللي يضقونها يفكرون اني شاريتها من المخبز
الجمعة فبراير 29, 2008 3:34 am
